کل ہفتے کے روز مقبوضہ بیت المقدس میں فلسطینی شہریوں اور اسرائیلی فوج کے درمیان جھڑپ ہوئی جس میں قابض فوج کی فائرنگ سے چھ فلسطینی زخمی ہوگئے۔
ہلال احمر فلسطین کی رپورٹ کے مطابق اسرائیلی فوج کی فائرنگ سے بیت المقدس کے وسط میں چھ فلسطینی زخمی ہوگئے۔ ان میں سے چار کو درمیانے درجے اور دو کو معمولی نوعیت کے زخم آئے ہیں۔
ہلال احمر کے مطابق زخم ہونے والے دو فلسطینیوں کو علاج کے لیے اسپتال منتقل کیا گیا ہے تاہم ان کے بارے میں مزید تفصیل سامنے نہیں آئی۔
خیال رہے کہ بیت المقدس میں مختلف مقامات پر روزانہ فلسطینی شہریوں اور قابض اسرائیلی فوج کےدرمیان جھڑپیں ہوتی ہیں۔
قابض فوج کی طرف سے القدس میں تلاشی اور شہریوںکی گرفتاریوں کا سلسلہ بھی تیز کردیا گیا ہے۔
