کل بدھ کے روز فلسطین کے مقبوضہ مغربی کنارے کے شمالی شہر جنین میں فلسطینی مزاحمت کاروں اور قابض فوج کے درمیان مسلح جھڑپ ہوئی۔
مقامی ذرائع نے بتائا کہ یہ جھڑپ الجلمہ چوکی کے قریب الناصرہ اور جنین کو ملانے والی شاہراہ پر ہوئی جو کئی گھنٹے جاری رہی۔
فلسطینی مزاحمت کاروں نے قابض فوج پر فائرنگ کی جب کہ قابض فوج نے ان پر گولیاں چلائیں۔ بعد میں اسرائیلی فوج نے مزید کمک بھی طلب کی اور علاقے میں سرچ آپریشن کے دوران کلوز سرکٹ کیمرے بھی اتار لیے۔
قبل ازیں منگل کی شب کو اسرائیلی فوج نے جنین میں شاہراہ الناصرہ پر فلسطینیوں پر حملہ کیا۔ اس دوران قابض فوج نے فلسطینی شہریوں پر آنسوگیس کی شیلنگ کی اور صوتی بموں کا استعمال کیا جس کے نتیجے میں متعدد فلسطینی زخمی ہوگئے۔
