قابض اسرائیلی فوج نے مقبوضہ بیت المقدس میں مکان سے محروم کیے گئے ایک فلسطینی خاندان کے ساتھ اظہار یکجہتی کے لیے مسمار مکان کے ملبے پر دھرنا دینے والے فلسطینیوںپر وحشیانہ تشدد کیا۔
خیال رہے کہ اسرائیلی فوج نے مشرقی بیت المقدس میں علیان نامی ایک فلسطینی خاندان کا مکان مسمار کردیا تھا۔ مکان کی مسماری کے خلاف احتجاج اور متاثرہ خاندان کے ساتھ اظہار یکجہتی کے لیے فلسطینیوںنے علیان خاندان کے مکان کے ملبے پر احتجاجی کیمپ لگایا تھا۔
عینی شاہدین نے بتایا کہ اسرائیلی فوج نے علیان خاندان کے مسمار مکان کے ملبے پر دھرنا دینے والے فلسطینیوںپر تشدد کیا۔
خیال رہے کہ اسرائیلی فوج نے گذشتہ سوموار کو علیان خاندان کے مکان میں موجود چار فلیٹس مسمار کردیے تھے جس کے نتیجے میں بچوں اور خواتین سمیت 14 افراد بے گھر ہوگئے تھے۔
عینی شاہدین کا کہنا ہے کہ اسرائیلی فوج نے القدس کے شہریوں کو علیان خاندان کے ساتھ یکجہتی کرنے پر سنگین نتائج کی دھمکیاں دی ہیں۔ گذشتہ روز اسرائیلی فوج کی بھاری نفری نے علیان کے مسمار مکان پر دھرنا دینے والے فلسطینیوں پر تشدد کیا اور انہیں لاٹھیوں سے مارا پیٹا۔ فلسطینیوں نے علیان خاندان کا مکان دوبارہ تعمیر کرنے لیے عطیات جمع کرنے کی مہم بھی شروع کی ہے۔ رواں سال کے دوران صہیونی فوج بیت المقدس میں فلسطینیوں کے کئی مسمار کر چکی ہے۔
