فلسطینی عہدیداروں نے متنبہ کیا ہے کہ اسرائیلی وزیر اعظم بنجمن نیتن یاہو انتخابی مہم میں کامیابی حاصل کرنے کی خاطر دائیں بازو کی جماعتوں کی حمایت حاصل کرنے کے لیے بیت المقدس کے سابق ہوائی اڈے کے رن وے پر قدامت پسند یہودیوں کے لیے 11 ہزار یونٹس پر مشتمل بستی کے منصوبے پر عمل درآمد کر سکتے ہیں۔
فلسطین کے آرتھوڈاکس پادری بشپ عطاءاللہ حنا نے فلسطینیوں پر زور دیا ہے کہ وہ اسرائیلیوں کی جانب سے سابقہ قلندیا ہوائی اڈے کو ایک بڑی یہودی آباد کاری کے لیے استعمال کرنے سے روکنے کے لیے اس منصوبے پر نظر رکھیں۔
’ہربیرٹ کلمین انسٹی ٹیوٹ فار کانفلکٹ ٹرانسفارمیشن‘ میں مشرق وسطیٰ کے پروگرام ڈائریکٹر اوفر زالز برگ کے مطابق نیتن یاہو نے انتخابات سے قبل بیت المقدس کے علاقے میں یہودی بستی کے منصوبے کو بحال کیا تاکہ مذہبی صیہونی جماعتوں میں اتحاد کو فروغ دیا جا سکے۔
