اسرائیلی وزارت صحت کی طرف سے جاری کردہ ایک بیان میں بتایا گیا ہے کہ گذشتہ 24 گھںٹوں کے دوران اسرائیل میں کرونا کے مزید 9 ہزار 388 کیسز کا اندراج کیا گیا جب کہ مزید 56 مریض چل بسے جس کے بعد کرونا سے ہونے والی ہلاکتوں کی تعداد 3800 سے تجاوز کرگئی ہے۔
اسرائیلی وزارت صحت کی طرف سے جاری بیان میں کہا گیا ہے کہ گذشتہ روز کل لیے گئے ٹیسٹوں میں سے 7 اعشاریہ 9 فی صد مریضوں کے ٹیسٹ مثبت آئے۔
اسرائیل میں کرونا وبا پھیلنے کے بعد اب تک 5 لاکھ 22 ہزار974 کیسز سامنے آچکے ہیں۔ اس وقت ایکٹو کیسز کی تعداد 78 ہزار 826 ہے۔1063 کی زندگی خطرے میں ہے جن میں سے 320 وینٹی لیٹر پر ہیں۔
