یہودی آباد کاروں کے ایک گروہ نے بدھ کے روز مقبوضہ مغربی کنارے میں اریحا کے شمال میں واقع عرب الرشايدة کے علاقے میں ایک فلسطینی شہری پر جسمانی تشدد کیا۔
مقامی ذرائع کے مطابق متعدد آباد کاروں نے صہیونی فوجیوں کی مدد سے عرب الرشایدہ پر دھاوا بولا اور عمار ابو خربش نامی شہری کو شدید تشدد کا نشانہ بنایا اور زخمی کردیا۔
آبادکاروں اورصہیونی فوجیوں نے منگل کے روز اسی علاقے پر دھاوا بولا اور عرب زید کے علاقے میں متعدد مکانات کو مسمار کردیا اور زیتون کے درخت اکھاڑ دیئے۔
