قابض صہیونی فوج کی طرف سے فلسطینی علاقوں مقبوضہ مغربی کنارے اور بیت المقدس میں رات دن گھر گھر تلاشی کی کارروائیوں کا سلسلہ جاری ہے۔
مرکز اطلاعات فلسطین کے مطابق جمعہ کے روز اسرائیلی فوج نے غرب اردن اور القدس میں تلاشی کی کارروائیوں میں درجنوں فلسطینیوں کو گرفتار کیا گیا۔
غرب اردن کے شمالی شہر جنین میں قباطیہ کے مقام پر اسرائیلی فوج اور فلسطینیوں کے درمیان جھڑپیں ہوئیں۔ قابض فوج نے فلسطینی شہریوں پر براہ راست گولیاں چلائیں جس کے نتیجے میں کم سے کم ایک شہری زخمی ہوگیا۔
مقامی ذرائع نے بتایا کہ اسرائیلی فوج نے قباطیہ کے علاقے میں چھاپوں کے دوران گھروں میں گھس کر فلسطینیوں کو زدو کوب کیا۔ اس موقع پر فلسطینیوںنے قابض فوج پر سنگ باری کی اور پٹرول بم پھینکے جس کے نتیجے میں اسرائیلی فوج کی ایک جیپ میں آگ لگ گئی۔
قابض فوج نے قباطیہ میں تلاشی کے دوران احمد صالح زکارنہ اور اس کے بھانی طاھر زکارنہ کو ان کے گھروں سے حراست میں لے لیا۔ قابض فوج نے ان کے گھروں میں گھس کر توڑ پھوڑ اور لوٹ مار بھی کی۔
ادھر جنین میں طورہ کے مقام پر بھی قابض فوج نے متعدد فلسطینیوں کو حراست میں لے لیا۔
جمعرات اور جمعہ کی درمیانی شب جنوب مغربی جنین سے چار فلسطینیوںکی گرفتاری عمل میں لائی گئی۔
قابض فوج نے قلقیلیہ، القدس اور کئی دوسرے مقامات پر فلسطینیوں کے گھروں میں گھس کر شہریوں کو گرفتار کیا۔
