گذشتہ روز فلسطین کے ممتاز دانشور اور کالم نگار فرج عبدالحسیب کرونا کے باعث دم توڑ گئے۔ مرکز اطلاعات فلسطین کے مطابق فرج عبدالحسیب غرب اردن کے وسطی شہر رام اللہ کے نواحی علاقے کفر مالک کے رہائشی تھے اور گذشتہ کچھ روز سے کرونا کے باعث اسپتال میں زیرعلاج تھے۔
فرج عبدالحسیب بیت المقدس کے آرٹ اینڈ لٹریچر مرکز کی انتظامی کمیٹی کے مستقل رکن تھے اور گذشتہ 15 سال سے رضاکارانہ خدمات انجام دے رہے تھے۔
انہوں نے کئی سال تک ادب بیت المقدس جریدے کی ادارت کی ذمہ داریاں انجام دیں۔ اس کے علاوہ انہوں نے کئی دوسرے جراید کی بھی ذمہ داریاں احسن طریقے سے انجام دیں۔
