فلسطینی وزارت صحت کی طرف سے جاری کردہ بیان میںکہا گیا ہے کہ فلسطینی علاقوں میں گذشتہ چوبیس گھنٹوں کے دوران کرونا سے مزید 17 اموات ہوئی ہیں جب کہ 2333 نئے کیسز کا اندراج کیا گیا ہے۔
وزارت صحت کی طرف سے جاری کردہ بیان میںکہا گیا ہے کہ گذشتہ چوبیس گھںٹوں کے دوران فلسطینی علاقوں میں کرونا کے 1758 مریض صحت یاب ہوئے۔
بیان میںکہا گیا ہے کہ فلسطینی علاقوں میں کرونا کے صحت یاب ہونے والے کیسز کی تعداد 76 اعشاریہ 4 فی صد ہے۔ ایکٹیو کیسز کا تناسب 22 اعشاریہ 8 فی صد اور اموات صفر اعشاریہ 8 فی صد ہیں۔
گذشتہ چوبیس گھںٹوں کے دوران فلسطینی علاقوں میں کرونا کیسز میں سب سے زیادہ کیسز الخلیل میں سامنے آئے جہاں نئے متاثرین کی تعداد 247 تک جا پہنچی۔ نابلس میں 246، طولکرم میں 102، رام اللہ البیرہ میں 179، سفلیت میں 37، قلقیلیہ میں 24، طوباس میں 51، بیت لحم میں 138، القدس کے اطراف میں 34، اریحا میں 7، غزہ میں 726 اور القدس شہر میں 393 کیسز کی تصدیق کی گئی۔
