مصر کی فلمی شخصیات اور شوبز نے ایک فن کار محمد رمضان کے اسرائیلیوں کے ساتھ گروپ فوٹو اور صہیونی ریاست کے ساتھ تعلقات استوار کرنے کی کوشش کی مذمت اور محمد رمضان کے بائیکاٹ پر اسلامی تحریک مزاحمت ‘حماس’ نے خیر مقدم کیا ہے۔
ایک بیان میں حماس کے شوبز سے متعلق شعبے کی طرف سے جاری کردہ بیان میں مصری فن کار یونین کے اس بیان کا خیرمقدم کیا ہے جس میں انہوں نے صہیونیوں کے ساتھ سیلفی بنانے اور اس کی تشہیر پر فن کار محمد رمضان کو تنقید کا نشانہ بنایا ہے۔
مصری فن کاروں کی طرف سے جاری کردہ رد عمل میں محمد رمضان کے اقدام کو اس کا ذاتی اور انفرادی فعل قرار دیتے ہوئے کہا ہے کہ اس کے اس اقدام کا مصری فن کے کوئی تعلق نہیں۔
حماس کی طرف سے جاری بیان میں کہا گیا ہے کہ جماعت مصری فن کاروں کے ردعمل کو قدر کی نگاہ سے دیکھتی ہے۔ مصری فن کاروں کا اجتماعی رد عمل فلسطینی قوم کے چھینے گئے حقوق کی حمایت اور غاصب ریاست کے جرائم کی مذمت کا برملا اظہار ہے۔
خیال رہے کہ چند روز قبل ایک مصری فن کار محمد رمضان کی اسرائیلی فن کاروں اور ایک کھلاڑی کے ساتھ گروپ کی شکل میں تصویر سوشل میڈیا پر وائرل ہوئی تھی جس پر فلسطینی اور مصری عوامی حلقوں کی طرف سے شدید رد عمل ظاہر کیا گیا تھا۔
