مرکز اطلاعات فلسطین کے مطابق وزیراعظم ‘عطروت’ یہودی کالونی کو وسعت دینا چاہتے ہیں اور اس میں بیت حنینا اور قلندیہ کے علاقے بھی شامل کرنے کی تیاری کر رہے ہیں۔
عبرانی ریڈیو کی رپورٹ میں کیا گیا ہے کہ نیتن یاھو نے ایک بند کمرہ اجلاس میں کہا ہے کہ وہ امریکا سے القدس میں عطروت یہودی کالونی کی توسیع کے لیے فوری حمایت حاصل کرنا چاہتے ہیں۔ یہ کام موجودہ امریکی صدر ڈونلڈ ٹرمپ کے اقتدار کے دو ماہ میں ہوسکتا ہے۔ اس حوالے سے انہوںنے امریکی وزیر خارجہ مائیک پومپیو سے بھی بات چیت کی ہے۔ کل جمعرات کو القدس میں ہونے والی اس ملاقات میں القدس اور غرب اردن میں یہودی آباد کاری کے منصوبوں اور ہزاروں نئے گھروں کی تعمیر پر بات چیت کی گئی۔
عبرانی ریڈیو کے مطابق اسرائیلی حکومت کے عہدیداروں اور نیتن یاھو کے مقربین کا کہنا ہے کہ اسرائیلی حکومت امریکا میں قیادت کی تبدیلی سے قبل فلسطینی علاقوں میں نیا آباد کاری اسیٹس کو نافذ کرنا چاہتی ہے۔ یہ کام صرف موجودہ امریکی صدر ڈونلڈ ٹرمپ کی موجودگی میں ممکن ہے۔ ان کے اقتدار سے الگ ہونے کے بعد ایسا ممکن نہیں رہے گا۔
