اسرائیلی فوج کے جنگی طیاروں نے کل اتوار کے روز فلسطین کے علاقے غزہ کی پٹی پر تین مقامات پر بمباری کی تاہم اس بمباری میں کوئی جانی نقصان نہیں ہوا ہے۔
مرکز اطلاعات فلسطین کے نامہ نگار کے مطابق دو میزائل غزہ کی پٹی میں مشرقی رفح میں تباہ ہوائی اڈے پر گرائے گئے۔
نامہ نگار کے مطابق قابض فوج نے شمالی غزہ میں زیتون کالونی میں سرحی محافظوں کی ایک چوکی پر توپ خانے سے گولہ باری کی تاہم اس کارروائی میں کوئی جانی نقصان نہیں ہوا ہے۔
دوسری جانب اسرائیلی فوج نے کہا ہے کہ اسرائیلی طیاروں، ہیلی کاپٹروں اور ٹینکوں کے ذریعے غزہ میں اسلامی تحریک مزاحمت ‘حماس’ کے ٹھکانوں پربمباری کی۔ اسرائیلی فوج کا کہنا ہے کہ یہ بمباری غزہ کی پٹی سے راکٹ حملوں کے بعد کی گئی ہے۔
گذشتہ روز اسرائیلی فوج نے غزہ کی پٹی سے اسدود شہر میں متعدد راکٹ داغے جانے کا دعوٰی کیا تھا۔
