فلسطینی وزارت صحت کی طرف سے جاری کردہ ایک بیان میں کہا گیا ہے کہ گذشتہ چوبیس گھںٹوں کےدوران فلسطینی علاقوں میں کروناکے مزید 10 مریض دم توڑ گئے جب کہ 653 نئے کیسز کی تصدیق کی گئی ہے۔ گذشتہ چوبیس گھنٹوں کے دوران 424 مریض صحت یاب ہوئے۔
وزارت صحت کی رپورٹ میں کہا گیا ہے کہ فلسطینی علاقوں میں کرونا کے صحت یاب ہونے والے مریضوں کا تناسب 87 اعشاریہ 9 فی صد ہے جب کہ ایکٹیو کیسز کی شرح 11 اعشاریہ 2 فی صد اور اموات صفر اعشاریہ 9 فی صد ہیں۔
گزشتہ چوبیس گھںٹوں کے دوران الخلیل میں کرونا کے 25، نابلس میں 95، بیت لحم میں 32، قلقیلیہ میں 33، رام اللہ البیرہ میں 72، جنین میں 27، اریحا اور وادی اردن میں9، سلفیت میں 17، طولکرم میں 19، طوباس میں 4، غزہ میں 310 اور القدس میں 10 کیسز سامنے آئے۔
فلسطینی علاقوں میں کرونا کے 40 مریضوں کی حالت خطرناک ہے جن میں سے 9 وینٹی لیٹر پر ہیں۔
