کرونا وبا کے خطرے کے پیش نظر عمرہ مناسک کی ادائی پرعاید کردہ عارضی پابندی کے خاتمے کا تیسرا مرحلہ کل یکم نومبر بہ روز اتوار سے شروع ہو رہا ہے۔
بیرون ملک سے عمرہ زائرین کی آمد جاری ہے۔آج اتوار سے عمرہ مناسک کے دوسرے مرحلے کا آغاز ہوگا مختلف ملکوںسے عمرہ زائرین کو لے کرمتعدد پروازیں جدہ پہنچیں گی۔
بیرون ملک سے آنے والے عمرہ زائرین کا شاہ عبدالعزیز بین الاقوامی ہوائی اڈے پر استقبال کیا جائے گا۔ جہاں پر کرونا کی وبا کی روک تھام کے پیش نظر اور اللہ کے مہمانوں کی صحت وسلامتی کےلیے سخت ایس اوپیز وضع کیےگئے ہیں۔
سعودی عرب میںعمرہ زائرین کی آمد سے لے کر ان کی واپسی تک تمام مراحل جن میں ہوائی اڈے پراترنے، بسوں کے ذریعے حرم قدسی کی طرف روانگی، چیکنگ پوائنٹس سے گذرنے ، عمرہ مناسک کی ادائیگی اور واپسی تک کے مرحلے شامل ہیں میں ان کی صحت یقینی بنانے کے لیے سخت ایس اویپز وضع کیے گئے ہیں۔
سعودی عرب کی وزارت حج عمرہ نے عمرہ کی رجسٹریشن کے لیے’اعتمرنا’ ایپ متعارف کرائی ہے۔ اس ایپ کی مدد سے معتمرین کے مسجد حرام میں داخلے اور نمازیوں کی آمد ورفت کا طریقہ کار وضع کیا گیا ہے۔ اس کے ساتھ ساتھ صحت کے ایس اوپیز بھی واضح کیے گئے ہیں۔
