فلسطین میں اقوام متحدہ کے مندوب برائے انسانی حقوق مائیکل لنک نے فلسطین میں تازہ یہودی آباد کاری کے منصوبوں کے بعد اسرائیلی کالونیوں میں تیار ہونے والی مصنوعات پر پابندی عاید کرنے کا مطالبہ کیا ہے۔
مرکز اطلاعات فلسطین کے مطابق مائیکل لنک نے ایک بیان میں کہا کہ عالمی برادری کو چاہیے کہ وہ اسرائیل کی غیرقانونی یہودی بستیوں میں قائم کردہ فیکٹریوں کی مصنوعات پرپابندی عاید کرے کیونکہ یہ کالونیاں اور ان میںفیکٹریوں کا قیام بین الاقوامی قوانین کو پامال کرکے عمل میںلایا گیا ہے۔
خیال رہے کہ حال ہی میں اسرائیلی حکومت نے غرب اردن اور القدس میں یہودی بستیوں کی تعمیر کے کئی نئے منصوبوںپر کام شروع کیا ہے۔
مائیکل لنک کا کہنا تھا کہ محض تنقید سے کام نہیں بنے گا۔ اقوام متحدہ اور عالمی برادری کو چاہیے کہ وہ اسرائیلی مصنوعات کے بائیکاٹ کے لیے اقدامات کرے۔
