متحدہ عرب امارات کی سول ایوی ایشن اتھارٹی نے بدھ کے روز اعلان کیا ہے کہ اس نے اسرائیلی سول ایوی ایشن اتھارٹی کے ساتھ فضائی نقل و حمل کی خدمات سے متعلق ایک معاہدے پر دستخط کیے ہیں جس کے تحت "تل ابیب” کے لیے ہر ہفتے 38 مسافر پروازوں کا فیصلہ کیا گیا ہے۔
سرکاری ایجنسی نے کہا ہے کہ متحدہ عرب امارات کے وزیر برائے اقتصادیات عبداللہ بن طوق المری جو اتھارٹی کے بورڈ آف ڈائریکٹرز کے چیئرمین بھی ہیں نے "تل ابیب” میں بین گوریون ہوائی اڈے پر اپنی ملاقات کے دوران اسرائیلی وزیر ٹرانسپورٹ یسرایل کاٹز کے ساتھ معاہدے پر دستخط کیے۔
بیان میں اشارہ کیا گیا ہے کہ ملاقات کے دوران شہری ہوا بازی کے شعبے میں مشترکہ دلچسپی کے اموردو طرفہ تعاون کے ذرائع پر تبادلہ خیال کیا گیا۔
معاہدے پر دستخط کی تقریب کے بعد تبصرہ کرتے ہوئے اماراتی وزیر نے کہا کہ معاہدہ ابراہیم امن معاہدے پر دستخط دونوں ممالک کے درمیان فروغ پذیر تعلقات میں مثبت اور تعمیری تعاون کی راہ میں ایک اہم قدم ہے۔
انہوں نے مزید کہا کہ یہ معاہدہ سول ایوی ایشن کے شعبے میں مشترکہ تعاون کے پہلوؤں کو مستحکم کرنے میں معاون ثابت ہوگا جو دونوں فریقوں میں ایک انتہائی اہم شعبہ ہے۔
معاہدے کے مطابق متحدہ عرب امارات کی ایئر لائنز کارگو پروازوں کے علاوہ "تل ابیب” کے لئے ہر ہفتے 38 مسافر پروازیں اور "ایلات” کے لامحدود پروازیں چلائے گی۔
