فلسطینی وزارت صحت کی طرف سے جاری کردہ ایک بیان میں کہا گیا ہےکہ فلسطینی علاقوں میں گذشتہ چوبیس گھںٹوں کے دوران کرونا کے مزید 4 مریض دم توڑ گئے جب کہ 516 نئے مریض سامنے آئے ہیں اور 613 مریض صحت یاب ہوئےہیں۔
مرکزاطلاعات فلسطین کے مطابق فلسطینی وزیر صحت می کیلہ نے بتایا کہ گذشتہ روز مغربی کنارے میں کرونا کے مزید دو مریض چل بسے جب کہ غزہ میں دو مریض جو کرونا کے ساتھ ساتھ دائمی بیماریوں کا شکار تھے انتقال کرگئے۔
گذشتہ چوبیس گھںٹوں کے دوران غرب اردن میں کرونا کے مزید 443 اور غزہ میں 73 مریض سامنے آئے ہیں۔
فلسطینی علاقوں میں کرونا کے 41 مریضوں کی حالت خطرے میں ہے جب کہ سات مریض وینٹی لیٹر پر ہیں۔
فلسطینی وزارت صحت کے مطابق فلسطینی علاقوں میں مجموعی طور پر کرونا کے 56 ہزار 467 مریضوں کی تصدیق ہوئی ہے۔ ان میں سے 49 ہزار 332 صحت یاب اور 429 وفات پا گئے ہیں۔
