درجنوں انتہا پسند یہودی آباد کاروں نے منگل کی صبح مشرقی رام اللہ کے قصبے البرقع میں فلسطینی کسانوں کو جسمانی تشدد کا نشانہ بنایا اور انہیں زخمی کردیا جب وہ زیتون اکٹھا کرنے کے لئے اپنے باغات کی طرف جارہے تھے۔
مقامی ذرائع نے بتایا کہ پچاس سے زیادہ آباد کاروں نے کسانوں کے ایک گروہ پر گھات لگا کر حملہ کیا جب وہ قصبے کے ایک زرعی علاقے میں زیتون کی کٹائی کے لئے اپنے باغات کی طرف جارہے تھے ۔
ذرائع نے مزید بتایا کہ درجنوں مقامی شہری کسانوں کے دفاع اور اپنی فصلوں کی کٹائی میں مدد کے لئے علاقے میں پہنچ گئے ، لیکن اسرائیلی فوجیوں نے یہودی حملہ آوروں کی حفاظت کے لئے مداخلت کی اور مقامی افراد کو حملے کا جواب دینے سے روکا۔
ذرائع کے مطابق آباد کاروں کے حملے میں چار کسان زخمی ہوگئے۔
جبکہ آباد کاروں کے ایک گروہ نے بیت لم کے جنوب مغرب میں واقع جبعہ گاؤں میں فلسطینی کسانوں کے باغات سے زیتون کی فصلیں چرا لیں اور کچھ درختوں کی شاخوں کو تباہ کردیا۔
زیتون کا ایک باغیچہ گاؤں کے ایک علاقے میں بات عین کی غیر قانونی آباد کار بستی کے قریب واقع ہے۔
