فلسطینی وزارت صحت کی طرف سے جاری کردہ ایک بیان میں کہا گیا ہے کہ گذشتہ چوبیس گھںٹوں کے دوران کرونا کے مزید 11 مریض وفات پاگئے جب کہ 406 نئے مریضوں کی تصدیق کی گئی ہے۔ گذشتہ چوبیس گھںٹوں کے دوران فلسطین میں کرونا کے 563 مریض صحت یاب ہوئے۔
فلسطینی خاتون وزیر صحت می کیلہ نے بتایا کہ گذشتہ چوبیس گھںٹوں کے دوران مزید 11 افراد جاں بحق ہوگئے۔ ان میں سے نابلس میں چار، راماللہ میں دو، الخلیل میں ایک اور باقی القدس میں ہوئیں۔
فلسطین کے شمالی اضلاع میں گذشتہ چوبیس گھںٹوں کےدوران کرونا کے 198 کیسز کی تصدیق کی گئی جب کہ 114 جنوبی گورنری میں سامنے آئے ہیں۔
الخلیل میں 28، نابلس میں 24، بیت لحم میں 40، قلقیلیہ میں 11، رام اللہ میں 18، جنین میں 40، طوباس میں ایک، اریحا میں 7، سلفیت میں 3، طولکرم میں 33، غزہ میں 114، القدس اور اس کے اطراف میں 97 مریضوں کی تصدیق کی گئی۔
گذشتہ چوبیس گھںٹوں کے دوران شمالی اضلاع میں 403 اور جنوبی اخلاع میں 95 اور القدس میں 65 مریض صحت یاب ہوئے۔
