اسرائیلی وزارت صحت کی طرف سے جاری کردہ ایک بیان میں کہا گیا ہے کہ صہیونی ریاست میں کرونا کے مزید پانچ ہزار کے قریب مریضوں کی تصدیق کی گئی ہے۔
اسرائیلی وزارت صحت کے مطابق گذشتہ چوبیس گھنٹوں کےدوران 4949 کیسز سامنے آئے ہیں۔ اس دوران 34 ہزار 352 افراد کے ٹیسٹ لیے گئے جن میں سے4949 افراد کے ٹیسٹ پازیٹو آئے ہیں۔
اسرائیلی وزارت صحت کے مطابق صہیونی ریاست میں کرونا کےایکٹو کیسز 64 ہزار 608 ہے جن میں سے 779 کی حالت خطرے میں ہے۔
صہیونی ریاست میں کرونا سے اب تک 1528 ہلاکتیں ہوچکی ہیں۔
ادھر اسرائیلی سیکیورٹی حکام کی طرف سے جاری کردہ ایک بیان میں کہا گیا ہے کہ اسرائیل کے اسپتالوں میں مریضوں کی مزید گنجائش کم پڑتی جا رہی ہے۔ ان کا کہنا ہے کہ اگر شمالی محاذ پر اسرائیل کو جنگ کا سامنا کرنا پڑتا ہے تو اسپتالوں میں زخمیوں کے لیے کوئی گنجائش نہیں۔
