"ورلڈ میٹر” ویب سائٹ پر شائع ہونے والے تازہ ترین اعداد و شمار کے مطابق کرونا وائرس دنیا کے متعدد ممالک میں پھیلتی دوسری لہر کے دوران ایک بار پھر خطرناک شکل اختیارکرتا جا رہا ہے۔ رپورٹ کے مطابق اب تک کرونا کے متاثرین کی تعداد 33 ملین سے تجاوز کرگئی ہے جب کہ 9 لاکھ 98 ہزار 7 اموات ہوچکی ہیں۔
رپورٹ کے مطابق امریکا میں کرونا وائرس سے متاثرین کی تعداد بڑھ کر 7،287،561 ہوگئی جب کہ 209،177 اموات ریکارڈ کی گئیں ہیں۔ یہ دنیا میں کرونا کے نتیجے میں اموات کی سب سے زیادہ تعداد ہے۔
نیو یارک اسٹیٹ ، جوامریکا میں کرونا وائرس کے پھیلاؤ کا مرکز تھی 5 جون کے بعد پہلی مرتبہ ایک دن میں انفیکشن کی تعداد ایک ہزار کے تجاوز سے تجاوز کرگئی۔
فرانس میں نوبل انعام یافتہ دو ماہر معاشیات نے فرانسیسی حکومت سے مطالبہ کیا کہ وہ ملک بھر میں لاک ڈاؤن لگانے کے بارے میں غور کرے تاکہ کرسمس کے موقع پر خاندانی تقریبات کا انعقاد کیا جاسکے۔
برازیل کی وزارت صحت نے بتایا کہ اس نے اس مرض کی وجہ سے 869 اموات کے علاوہ پچھلے 24 گھنٹوں کے دوران ابھرتی ہوئے کرونا وائرس کے 28،378 نئے واقعات ریکارڈ کیے ہیں۔
وزارت کے اعداد و شمار نے اشارہ کیا ہے کہ برازیل میں وبا شروع ہونے کے بعد سے وائرس کے 4.7 ملین سے زیادہ کیسز ریکارڈ ہوئے ہیں جبکہ ہلاکتوں کی سرکاری تعداد 141،441 ہوگئی ہے۔
خبر رساں ادارے رائیٹرز کے اعداد و شمار سے پتہ چلتا ہے کہ ارجنٹائن میں کرونا وائرس کے انفیکشن ہفتے کے روز سات لاکھ کی حد عبور کرگئے۔ اس وقت ، بھارت ، امریکا ، فرانس اور برازیل میں کرونا کے کیسز میں اضافہ دیکھا گیا ہے۔
