فلسطینی وزیر صحت می کیلہ نے بتایا ہے کہ گذشتہ چوبیس گھںٹوں کے دوران کرونا کے مزید 9 مریض دم توڑ گئے جب کہ 683 نئے کیسز سامنے آئے ہیں۔ اس دوران 254 مریض صحت یاب قرار دیے گئے۔
ایک پریس کانفرنس میں می کیلہ نے بتایا کہ فلسطینی علاقوں میں کرونا سے صحت یاب ہونے کی شرح 69 اعشاریہ 3 فی صد ہے۔ ایکٹو کیسز 30 فی صد جب کہ اموات اعشاریہ 7 فی صد ہیں۔
گذشتہ چوبیس گھنٹوں کے دوران الخلیل شہر کے نواحی علاقے دور میں کرونا کے تین مریض وفات پاگئے۔ ان کی عمریں 50، 72 اور 79 سال تھیں۔ الخلیل شہر میں 64 سالہ ایک مریضہ دم توڑ گئیں جب کہ بیت لحم میں 74 سالہ اور طولکرم میں 61، 67، 48 اور 83 سالہ چار مریض دم توڑ گئے۔
گذشتہ چوبیس گھنٹوں کے دوران الخلیل میں مزید 115، نابلس میں 86، بیت لحم میں 53، قلقیلیہ میں 20، رام اللہ میں 120، جنین میں 50، طوباس میں 9، سلفیت میں 16، اریحا میں 24، غزہ میں 45 ،القدس کے اطراف میں 102 اور القدس شہر میں 130 کرونا مریضوں کی تصدیق کی گئی۔
