قابض اسرائیلی فوج نے کل جمعہ سے یہودیوں کے عبرانی سال کے آغاز کےقریب آتے ہی غزہ اور غرب اردن میں آمد ورفت کے تمام راستے سیل کر دیے ہیں۔
مرکزاطلاعات فلسطین کے مطابق قابض صہیونی فوج نے کل جمعہ کے روز غزہ اور غرب اردن کو ملانے والی تمام گذرگاہیں بند کردیں۔
عبرانی ریڈیو کی رپورٹ میں بتایا گیا ہے کہ یہ اقدام آئندہ اتوار کی درمیانی رات تک نافذ رہے گا۔ اس دوران فلسطینیوں کو غزہ اور غرب اردن میں آم ورفت کی اجازت نہیں ہوگی۔
خیال رہے کہ اسرائیلی فوج نے کل جمعہ کو کرونا کی آڑ میں تمام فلسطینی علاقوں میں 3 ہفتے کا لاک ڈائون لگایا ہے۔
اسرائیلی فوج کی طرف سے غرب اردن میںلاک ڈائون کی آڑ میں فلسطینی شہریوں کی زندگی اجیرن بنا دی گئی ہے۔
