اسرائیل کے میڈیکل ذرائع کا کہنا ہے کہ منگل کے روز غزہ کی پٹی سے داغے گئے میزائلوں کے نتیجے میں زخمی بعض اسرائیلیوں کی حالت خطرے میں ہے اور ان کا زندہ بچنا مشکل ہے۔
عبرانی طبی ذرائع کا کہنا ہے کہ غزہ کی پٹی میں فلسطینی مزاحمت کاروں کے داغے گئے میزائلوں کے نتیجے میں زخمی ہونے والے یہودی آباد کاروں میں بعض کی حالت خطرے میں ہے اور انہیں انتہائی نگہداشت وارڈ میں منتقل کیا گیا ہے۔
عبرانی ٹی وی چینل 7 نے اپنی رپورٹ میںبتایا ہے کہ زخمی ہونے والے بعض آباد کاروں کی حالت خطرے میں ہے اور انہیں مصنوعی آکسیجن دی گئی ہے۔
خیال رہے کہ منگل کے روز غزہ سے فلسطینی مزاحمت کاروں نے اسرائیل کے اسدود شہر پر متعدد میزائل حملے کیے جس کے نتیجے میں متعدد اسرائیلی زخمی ہوگئے تھے۔ یہ میزائل حملے متحدہ عرب امارت اور بحرین کے اسرائیل کے ساتھ معاہدے کےرد عمل میں کیے گئے۔ ان میزائل حملوں میں13 صہیونیوں کے زخمی ہونے کی تصدیق کی گئی ہے۔
