مصر کی سب سے بڑی دینی درس گاہ جامعہ الازھر کے سربراہ ڈاکٹر احمد الطیب نے سویڈن میں قرآن پاک نذرآتش کیے جانے کے واقعے کو مٹھی بھر عناصر کی کھلم کھلا اشتعال انگیزی قرار دیتے ہوئے کہا ہے کہ قرآن مجید کی بے حرمتی سے دو ارب مسلمانوں کے جذبات کو ٹھیس پہنچائی گئی۔
مرکزاطلاعات فلسطین کے مطابق سویڈن میں قرآن پاک کی بے حرمتی کے مجرمانہ واقعے پراپنے رد عمل میں شیخ الازھر نے کہا کہ ناروے اور سویڈن میں انتہا پسند اور دہشت گرد عناص نے مسلمانوں اور عالم اسلام کے جذبات کو ٹھیس پہنچائی ہے۔ قرآن پاک کی بے حرمتی مغرب میں اسلام فوبیا کا واضح ثبوت ہے۔
ڈاکٹر احمد الطیب نے کہا کہ قرآن پاک کی بے حرمتی کرنے والے شرپسند عناصر وحشی اور انسانیت کےدشمن ہیں۔ ایسے لوگ ہرقسم کی تہذیب سے نا آشنا ہیں۔ قرآن کی بے حرمتی کرکے مشرق اور مغرب میں پھیلے دو ارب مسلمانوں کے مذہبی جذبات مشتعل کیا گیا۔
