فلسطینی وزارت صحت نے گذشتہ روز غزہ کی پٹی میں کرونا کی وبا سے متاثرہ علاقوں کا نقشہ جاری کیا جس میں متاثرہ مقامات کی نشاندہی کےساتھ ساتھ وہاں پر اب تک سامنے آنے والے کرونا کے مریضوں کی تعداد بھی بیان کی گئی ہے۔
وزارت صحت کی طرف سے جاری ایک بیان کے ساتھ جاری نقشے میں بتایا گیا ہے کہ غزہ کی پٹی میں کرونا کے کل نئے مریضوں کی تعداد 111 ہوگئی ہے۔ گذشتہ دو روز کے دوران غزہ میں 47 نئے مریض سامنے آئے ہیں۔ یہ تعداد اب تک ایک روز میں سامنے آنے والی سب سے زیادہ ہے۔
اس وقت تک سب سے زیادہ متاثرہ مقامات میں وسطی غزہ، رفح شہر اور جنوبی خان یونس شہر شامل ہیں۔
بیرون ملک سے غزہ لوٹںے والے درجنوں شہریوں کو عارضی طورپر 21 روز کے لیے قرنطینہ مراکز میں رکھا گیا ہے۔
غزہ میں کرونا کی وبا کو مزید پھیلنے سے روکنے کے لیے علاقے میں 48 گھنٹے کاکرفیو لگایا گیا ہے جس میں مزید 72 گھنٹے کی توسیع کردی گئی ہے۔
