فلسطینی وزارت صحت کی طرف سے جاری ایک بیان میں کہا گیا ہے کہ غزہ کی پٹی میں کرونا کے مزید 31 مریضوں کی تصدیق کی گئی ہے۔
وزارت صحت کی طرف سے جاری ایک بیان میں کہا گیا ہے کہ گذشتہ چوبیس گھنٹوں کے دوران مزید اکتیس شہریوں کے کرونا کا شکار ہونے کی تصدیق کی گئی ہے۔ بیان میں کہا گیا ہے کہ غزہ میں قائم قرنطینہ مراکز میں مشتبہ کرونا مریضوں کی تعداد 2334 ہوگئی ہے۔ یہ تمام بیرون ملک سے لوٹںے والے شہری ہیں جب کہ مقامی سطح پر میل جول سے 520 افراد کے کرونا کا شکار ہونے کا شبہ تھا جس کے بعد ان افراد کو بھی قرنطینہ منتقل کیا گیا ہے۔
غزہ کی پٹی میں رواں سال مارچ کے بعد اب تک 221 فلسطینی کرونا کا شکار ہوئے ہیں۔ ان میں سے 72 صحت یاب ہوچکے ہیں جن کہ ایکٹو کیسز کی تعداد 146 ہے۔ متاثرین میں 109 بیرون ملک سے آنے والے جب کہ 37 مقامی شہری جو کرونا کے مریضوں سے میل جول سے وبا کا شکار ہوئے ہیں شامل ہیں۔
