فلسطینی وزارت صحت کی طرف سے جاری ایک بیان میں خبردار کیا گیا ہے کہ غزہ کی پٹی میں کرونا کی وبا نے اچانک انگڑائی لی ہے جس کے بعد وبا خطر ناک شکل اختیار کرگئی ہے۔
مرکزاطلاعات فلسطین کے مطابق غزہ میں وزارت صحت کی طرف سے جاری کردہ بیان میں کہا گیا ہے کہ غزہ میں کرونا کی وبا پھیلنے کے بعد عوام کو سخت حفاظتی اقدامات کرنا ہوں گے۔ کرونا سے بچائو کے لیے وضع کردہ ایس او پیز پرسختی کےساتھ عمل درآمد کرنا ہوگا ورنہ معاشرے میں یہ وبا تیزی کےساتھ پھیل جائے گی۔
ترجمان وزارت صحت اشرف القدرہ نے کہا کہ حکومت نے کرونا کی وبا سے بچائو کے لیے سخت اقدامات کیے ہیں۔ تمام سیناریو کے پیش نظر ضروری اقدامات کیے گئے ہیں۔
بیان میں کہا گیا ہےکہ وزارت صحت کے ترجمان کا کہنا ہے کہ غزہ میں حکومت کی طرف سے وبا سے بچائو کے اقدامات کے نتیجے میں یہاں پر کرونا زیادہ نہیں پھیلا۔ ہم اس حوالے سے ایم لمحے کے لیے بھی غافل اور بے پرواہ نہیں رہے ہیں۔ آنے والے دنوں میں بھی مزید سخت اقدامات کریں گے۔
خیال رہے کہ حالیہ ایام میں غزہ کی پٹی میں کرونا کے مزید مریضوں کی موجودگی کا پتا چلا ہےجس کے بعد علاقے میں کرونا مریضوں کی تعداد 40 سے زیادہ ہوگئی ہے۔
