اسرائیلی وزارت صحت کی طرف سے جاری کردہ بیان میں کہا گیا ہے کہ صہیونی ریاست میں کرونا کے مزید 11 مریض ہلاک ہوگئے ہیں جب کہ گذشتہ چوبیس گھنٹوں کے دوران کرونا کے 1773 نئے کیسز سامنے آئے ہیں۔ اسرائیل میں کرونا سے مجموعی ہلاکتیں 858 ہوگئی ہیں جبکہ ایک لاکھ 6 ہزار 245 افراد وبا کا شکار ہوئے ہیں۔
اسرائیلی وزارت صحت کے مطابق گذشتہ شب کرونا کے مزید 9 مریضوں کی موت کی تصدیق کی گئی تھی جب کہ 1357 نئے کیسز سامنے آئے ہیں۔ اسرائیل میں اس وقت ایکٹیو کیسز کی تعداد 21 ہزار 577 ہے جب کہ 83 ہزار 810 مریض صحت یاب ہوئے ہیں۔ ان میں سے 427 مریضوںکی حالت خطرے میں ہے جن میں سے 121 وینٹی لیٹر پر ہیں۔
