فلسطینی مزاحمت کاروں نے غزہ کی پٹی کے علاقے اسرائیل کا ایک جاسوس ڈرون طیارہ مار گرایا۔ یہ طیارہ مشرقی غزہ میں جاسوسی کے مشن پر تھا جب فلسطینی مزاحمت کاروں نے اس پر فائرنگ کی جس کے نتیجے میں ڈرون طیارہ زمین بوس ہوگیا۔
کتائب المجاھدین کی طرف سے جاری کردہ ایک بیان میں کہا گیا ہے کہ مقامی وقت کے مطابق دن دو بج کر چالیس منٹ پر اسرائیل کا ایک جاسوس ڈرون طیارہ غزہ کی فضا میں داخل ہوا۔ ‘کواڈ کاپٹر’ طرز کے ڈرون طیارے کو مار گرانے کے بعد اس کا ملبہ قبضے میں لے لیا گیا ہے۔
ذرائع ابلاغ نے بتایا کہ کتائب المجاھدین نے براہ راست ڈرون طیارے پر فائرنگ کی جس کے نتیجے میں وہ موقعے پر ہی تباہ ہوگیا۔
