اسرائیلی فوج نے فلسطین کے مقبوضہ مغربی کنارے میں سیکیورٹی کے غیر مسبوق اقدامات کیے ہیں اور فلسطینی علاقوں اسرائیلی کالونیوں کو ملانے والے مقامات پر فوج کی بھاری نفری تعینات کرکے فلسطینیوں کی نقل وحرکت محدود کردی ہے۔
عبرانی اخبار’معاریو’ کی رپورٹ کے مطابق اسرائیلی فوج نے دیوار فاصل کے اطراف میں، یہودی کالونیوں اور نقاط تماس پر فوج اور سیکیورٹی فورسز کے اہلکاروں کی اضافی نفری تعینات کی ہے۔ اس پیش رفت کا مقصد فلسطینیوں کی طرف سے بڑھتے احتجاجی مظاہروں اور ان میں ممکنہ تشدد کی روک تھام کرنا ہے۔
اخباری رپورٹ میں کہا گیا ہے کہ اسرائیلی فوج نے فلسطینی مزاحمت کاروں کی کارروائیوں کے جواب میں دفاعی حکمت عملی اختیار کی ہے۔
اخبار نے عینی شاہدین کے حوالے سے بتایا کہ غرب اردن کی مرکزی شاہرائوں پر گشت کرنےوالی اسرائیلی پولیس اور فوج نے فلسطینیوں کی آمد ورفت محدود کردی ہے۔ قابض فوج طولکرم گورنری اور دوسرے علاقوں میں جگہ جگہ فلسطینی راہ گیروں اور گاڑیوں پر سوار افراد کو بھی روک رہی ہے۔
