اسرائیلی ٹینکوں نے اتوار کی شام غزہ کی پٹی کے مرکزی علاقے میں دیر البلاح شہر کے مشرق میں فلسطینی مزاحمتی ٹھکانوں پر توپخانے کے گولے برسائے۔
مرکزاطلاعات فلسطین کے نمائندے نے کہا کہ اسرائیلی فوجی ٹینکوں نے دیر البلاح کے مشرقی سرحدی علاقے میں مزاحمتی ٹھکانوں کی جانب متعدد میزائل داغے۔
اسرائیلی فوج نے دعویٰ کیا کہ غزہ سے کیسوفیم کے قریب واقع اسرائیلی فورسز پر فائرنگ کے حملے کے جواب میں کچھ فلسطینی مزاحمتی مقامات پر بمباری کی گئی ہے۔
اس مبینہ حملے میں کسی کے زخمی ہونے کی کوئی اطلاع نہیں ہے اور نہ ہی فلسطین کی طرف سے کسی کی اطلاع ملی ہے۔
