فلسطین کے مقبوضہ مغربی کنارے کے علاقوں میں کرونا کی وبا کے تیزی سے پھیلائو کے بعد وزیراعظم محمد اشتیہ نے تمام شہروں میں لاک ڈائون کا فیصلہ کیا ہے۔
مرکزاطلاعات فلسطین کے مطابق وزیراعظم کے اعلان کے بعد غرب اردن کی تمام گورنریوں میں کل جمعہ سے لاک ڈائون لگا دیا گیا۔ لاک ڈائون اتوار کی صبح تک جاری رہے گا۔
لاک ڈٗائون کے دوران بیکریوں، کریانہ کی دکانوں اور ڈسپنسریوں کے علاوہ دیگر تمام کاروباری سرگرمیاں بند ہوں گی اور سڑکوں پر ہنگامی نوعیت کی ٹریفک کو چلنے کی اجازت ہوگی۔
حکومتی فیصلے کے مطابق لاک ڈائون کا اطلاق غرب اردن کے تمام شہروں، دیہاتوں اور پناہ گزین کیمپوں میں ہوگا۔
لاک ڈائون پرعمل درآمد کے لیے فلسطینی اتھارٹی نے پولیس کو الرٹ کردیا ہے۔
خیال رہے کہ فلسطین کے مقبوضہ مغربی کنارے کے جنوبی شہر الخلیل اور کئی دوسرے علاقوں میں کرونا وائرس کے کیسز کی بڑی تعداد سامنے آئی ہے۔
