فلسطین کے مقبوضہ مغربی کنارےاور القدس میں کرونا کا شکار ہونے والے مزید چھ مریض جاں بحق ہوگئے جبکہ 463 نئے کیسز سامنے آئے ہیں۔
مرکزاطلاعات فلسطین کے مطابق فلسطینی علاقوں میں کرونا کے کیسز میںا اچانک اضافہ دیکھنے میں آیا ہے۔ فلسطینی علاقوں میں کرونا سے ہونے والی ہلاکتوں کی تعداد 35 ہوگئی ہے جب کہ متاثرین کی تعداد 5 ہزار 827 ہوگئی ہے۔
وزارت صحت کے مطابق گذشتہ چوبیس گھںٹوں کے دوران الخلیل شہر میں کرونا کا شکار ہونے والی ایک 53 سالہ خاتون چل بسیں۔ قبل ازیں الخلیل شہر میں حلحول کے مقام پر کرونا کا شکار ہونے والے چار مریضوں کی وفات کی تصدیق کی گئی تھی۔
وزارت صحت کے مطابق حلحول میں فوت ہونے والے مریضوں میں دو خواتین تھیں جن کی عمریں 46 اور 53 سال تھیں۔ الخلیل میں فوت ہونے والے مریضوں کی عمریں 69،70 اور 95 سال تھیں۔
