فلسطینی اتھارٹی کے ماتحت پولیس نے گذشتہ روز غرب اردن کے شمالی شہر جنین میں اسرائیلی جیل سے رہائی پانے والے فلسطینی رہ نما ڈاکٹرامجد قبھا کے استقبال کے لیے جمع ہونے والے شہریوں پر وحشیانہ تشدد کیا اور استقبال کی کوریج کرنے والے صحافی طارق ابو زید کو حراست میں لے لیا۔ طارق ابو زید الاقصیٰ ٹی وی چینل کے نامہ نگار ہیں۔
مرکزاطلاعات فلسطین کے مطابق عباس ملیشیا نے ڈاکٹر امجد قبھا کی رہائی کے بعد ان کے استقبال کے لیے جمع ہونے والے شہریوں کو منتشر کرنے کے لیے ان پر آنسوگیس کی شیلنگ کی۔
خیال رہے کہ امجد قبھا کو دو روز قبل اسرائیلی فوج نے 18 سال کے بعد جیل سے رہا کیا تھا۔
