فلسطینی وزارت صحت کی طرف سے جاری کردہ ایک بیان میں کہا گیا ہےکہ فلسطینی علاقوں غرب اردن اور القدس میں کرونا کے مزید 204 کیسز کی تصدیق کی گئی ہے۔
مرکزاطلاعات فلسطین کے مطابق گذشتہ چوبیس گھںٹوں کے دوران کرونا کے مزید 204 کیسز کی تصدیق کی گئی ہے۔ گذشتہ چوبیس گھںٹوں کےدوران مزید چار فلسطینی کرونا سے چل بسے۔ صرف جمعہ کے روز دو سو چار مریضوں کی تصدیق کے بعد چوبیس گھںٹوں کے دوران کرونا کے 272 مریضوں کی تصدیق کی گئی ہے۔
وزارت صحت کی طرف سے جاری کردہ بیان میں کہا گیا ہے کہ القدس میں المطلع اسپتال میں زیرعلاج ایک عمر رسیدہ خاتون اور الخلیل میں ایک خاتون کرونا سے دم توڑ گئی۔
گذشتہ چوبیس گھنٹوں کےدوران کرونا کے متاثر چار فلسطینی مریض چل بسے۔ ان میں تین الخلیل اور ایک کا تعلق القدس سے ہے، جس کےبعد کل متاثرین کی تعداد 15 ہوگئی ہے۔
فلسطین میں کرونا کے کل متاثرہ افراد کی تعداد 3689 ہوگئی ہے جب کہ 3037 مریضوں کی حالت خطرے سے باہر ہے۔ 637 مریض صحت یاب ہوئے ہیں۔
