فلسطین کے ایک سینیر تجزیہ نگار اور سماجی کارکن ناصر الھدمی نے خبردار کیا ہے کہ اسرائیل مسجد اقصیٰ میں ایک یہودی معبد کے قیام کی منصوبہ بندی کررہا ہے۔ انہوں نے خبردار کیا کہ مسجد اقصیٰ کے مشرقی خالی حصے میں یہودی آباد کاروں کے لیے عبادت گاہ کا قیام اور فلسطینی محکمہ اوقاف کے اہلکاروں کو مسجد کی مرمت سے روکنا مسلمانوں کے مذہبی معاملات اور عبادت میں مداخلت کے مترادف ہے۔ اسرائیلی دشمن کی اس سازش کے خطرناک نتائج سامنے آئیں گے۔
الھدمی نے خبردار کیا کہ اسرائیلی حکومت بیت المقدس کے فلسطینی باشندوں کے خلاف گھات لگائے بیٹھی ہے اور مختلف حیلوں اور بہانوں سے مسجد اقصیٰ پراپنی اجارہ داری قائم کرنے اور محکمہ اوقاف کے ذمہ داران کا کردار محدود کرنا چاہتی ہے۔
الھدمی نے مزید کہا کہ مسجد اقصیٰ کے تمام حصے حرم قدسی اور قبلہ اول کا حصہ ہیں۔ مسجد اقصیٰ اسرائیلی ریاست کے حلق میں کانٹے کی طرح کھٹکتی ہے۔
