متحدہ عرب امارات کی جانب سے اسرائیل کے ساتھ اب تک تعلقات خفیہ اور در پردہ رہے ہیں مگر اب امارات کی حکومت نے صہیونی ریاست کےساتھ سر عام دوستی کرنے کے اقدامات کا اعلان کیا ہے۔ اس ضمن میں امارات کی حکومت نے کہا ہے کہ وہ اسرائیل کے ساتھ مل کر کرونا کے ساتھ مل کام کرے گی۔ اس کے علاوہ امارات اسرائیل کو کرونا کی ایک لاکھ ٹسٹنگ کٹس فراہم کرے گا۔
امارات کی نیوز ایجنسی کے مطابق امارات اسپیشل سیکٹر میں کام کرنے والی دو کمپنیوں نے اسرائیلی کمپنیوں کے ساتھ تعاون کرنے کا اعلان کیا ہے۔
اسرائیل اور امارات کے درمیان در پردہ اور ظاہری تعلقات پر فلسطینی عوامی حلقوں میں شدید غم وغصے کی لہر پائی جارہی ہے۔ عالمی سطح پر بھی عرب مملکوں کی صہیونی ریاست کےساتھ دوستی کی شدید مذمت کی گئی ہے۔
گذشتہ جمعرات کو اسرائیلی وزیراعظم بنجمن نیتن یاھو نے کہا تھا کہ اسرائیلی وزیر صحت نے اپنے اسرائیلی ہم منصب کے ساتھ کرونا کی وبا کے خلاف مل کر کام کریں گے۔
نیتن یاھو کا کہنا تھا کہ یہ اعلان دونوں ملکوں کے درمیان طویل اور مفصل رابطوں کے بعد کیا گیا ہے۔
