اسرائیل کی سابق وزیرخارجی زیپی لیونی نے کہا ہےکہ اسرائیلی حکومت کا غرب اردن کو صہیونی ریاست میں ضم کرنے کا اعلان تاریخی غلطی ہوگی۔
ایک ٹی وی انٹرویو میں مسز لیونی کا کہنا تھا کہ غرب اردن کے 30 فی صد علاقوں کو اسرائیلی خود مختاری کے قیام سے مستقبل قریب میں قیام امن کے حصول کی کوششیں بری طرح متاثر ہوں گی اور اسرائیلی مفادات کو شدید نقصان پہنچے گا۔
انہوں نے مزید کہا کہ وہ تنازع فلسطین کے دو ریاستی حل اور امن بقائے باہمی کے اصول پر یقین رکھتی ہیں۔ اسرائیلی حکومت ایسے اقدامات کررہا ہے جہاں سے واپسی ممکن نہیں۔
خیال رہے کہ اسرائیلی وزیراعظم بنجمن نیتن یاھو نے یکم جولائی سے مقبوضہ مغربی کنارے کو بہ تدریج اپنی خود مختاری میں لانے کا اعلان کیا ہے۔ اسرائیل کے ان اعلانات پر عالمی سطح پر سخت رد عمل سامنےآیا ہے۔
