فلسطینی وزارت صحت کی طرف سے جاری کردہ ایک بیان میں کہا گیا ہے کہ مقبوضہ مغربی کنارے کے جنوبی شہر الخلیل میں گذشتہ چوبیس گھنٹوں کے دوران کرونا کے 32 نئے کیسز کی تصدیق کی گئی ہے۔
وزارت صحت کے بیان کے مطابق الخلیل میں شہر میں 26، یطا میں 5 اور السموع میں 1 فلسطینی کرونا کا شکار ہوا ہے۔ فلسطین میں مجموعی طورپر کرونا کے کیسز کی تعداد 902 ہوگئی ہے۔ 305 مریضوں کی حالت خطرے سے باہر ہے۔ صحت یاب ہونے والے مریضوں کی تعداد 592 ہوگئی ہے۔
