قابض صہیونی فوج نے مقبوضہ بیت المقدس کے مشرقی علاقے ابو دیس میں السواحرہ کے مقام پر فلسطینیوں کی متعدد املاک مسمار کردیں۔
عینی شاہدین نے بتایا کہ اسرائیلی فوج کی بھاری نفری نے سول انتظامیہ کے ہمراہ مقامی شہری دائود سلامہ شقیرات کے ملکیتی ایک گودام، طارق السرحی کی دکانیں ، علی صوان اور محمد الاعرج کی زیرتعمیر املاک مسمار کردیں۔
عینی شاہدین نے مزید کہا کہ اسرائیلی فوج کے بلڈوزروں نے ابو دیس کے مقام پر القدس یونیورسٹی کی دیوار مسمار کردی۔
