قابض اسرائیلی پولیس نے منگل کی شام ذہنی معذور مقامی نوجوان کے قتل کے خلاف ہونے والے پر امن دھرنے میں شرکت کرنے والی خواتین کو جسمانی تشدد کا نشانہ بنایا اور ان میں سے تین خواتین کو گرفتار کر لیا۔
عینی شایدین کے مطابق پولیس افسروں نے دھرنے کے شرکاء پر وحشیانہ حملہ کیا اور تشدد کے بعد تین خواتین کو گرفتار کر لیا۔
گرفتار ہونے والے خؤاتین کی شناخت ھلا مرشود، وجدان الغول اور زینہ بربر کے ناموں سے ہوئی۔
30 مئی کو 32 سالہ مقتول ایاد حلاق مقبوضہ بیت المقدس کے پرانے شہر میں معذور بچوں کے سکول جا رہا تھا جب اسرائیلی افسر اسے روکنے کے لیے چلائے اور بعد میں اسے بے دردی سے گولی مار کے قتل کر دیا اور وہاں سے فرار ہو گئے۔
