اسرائیلی وزارت صحت کے مطابق گذشتہ 24 گھںٹوں کے دوران کرونا کے نئے کیسز میں غیرمعمولی اضافہ سامنے آیا ہے۔
وزارت صحت کی رپورٹ کے مطابق گذشتہ چوبیس گھںٹوں کے دوران اسرائیل میں کرونا کے مزید ایک سو ایک کیس سامنے آئے ہیں۔ کئی ہفتوں کے بعد اسرائیل میں کرونا کے مریضوں کی تعداد میں یہ اضافہ حیران کن ہے۔
عبرانی ٹی وی چینل بارہ کی رپورٹ میں کہا گیا ہے کہ القدس میں ایک اسکول میں کئی نئے کیسز سامنے آئے ہیں جس کے بعد حکومت نے القدس میں اسکول کھولنے کے فیصلے پر نظرثانی کا فیصلہ کیا ہے۔
عبرانی ٹی وی چینل کے مطابق اسرائیل میں کرونا کے نئے کیسز میں کچھ مریض بحیرہ طبریا کے ساحل پر بھی سامنے آئے ہیں جہاں لوگ بڑی تعداد میں پیراکی کرتے ہیں۔
