فلسطین کےعلاقے غزہ کی پٹی اور مقبوضہ مغربی کنارے کی مساجد میں کل ہفتے کو بڑی تعداد میں فلسطینیوں نےعید الفطرکی نماز ادا کی۔
مرکزاطلاعات فلسطین کے مطابق غزہ کی پٹی میں وزارت اوقاف کی طرف سے جاری بیان میں کہا گیا تھا کہ شہری تمام ترحفاظتی انتظامات کرتے ہوئے مساجد میں عید کی نماز ادا کریں۔
مرکزاطلاعات فلسطین کے مطابق غزہ اور غرب اردن کی مساجد میں بڑی تعداد میں شہریوں نے فجرکی نماز ادا کی۔ بیشتر مساجد کے اندرونی ہال اور بیرونی صحن نمازیوں سے کھچا کھچ بھری ہوئی تھیں۔
کل ہفتے کے روز غرب اردن کے تاریخی شہر الخلیل میں مسجد ابراہیمی میں بڑی تعداد شہریوں نے عید الفطر کی نمازادا کی۔
