اسلامی جمہوریہ ایران کے رہبر اعلیٰ آیت اللہ علی خامنہ ای نے کہا ہے کہ ان کا ملک اسرائیلی ریاست کے خلاف نبرد آزماد ہرملک جماعت اور تنظیم سے ہر جگہ پر بھرپور مدد جاری رکھے گا۔
عالمی یوم القدس کے موقعے پر ایک بیان میں ایرانی سپریم لیڈر کا کہنا تھا کہ عالم اسلام کو مل کر صہیونی ریاست کے زوال کے لیے کام کرنا ہوگا۔ ایران اس ہر قوت اور ملک کی مدد کرے گا جو اسرائیلی ریاست کے ظلم کے خلاف اٹھے گی۔
ٹویٹر پر پوسٹ ایک بیان میں ایرانی سپریم لیڈر کاکہنا تھا کہ اسرائیلی ریاست کے وجود کو ختم کرنے کا مطلب یہودیوں کو ختم کرنا ہرگز نہیں۔
ان کا کہنا تھا کہ ہماری جنگ نیتن یاھو جیسے سفاک درندوں کے خلاف ہے جو بے گناہ لوگوں کا خون بہاتے اور ان پر ظلم اور جبراو استبداد کے پہاڑ توڑتے ہیں۔
