فلسطینی وزارت صحت کی طرف سے جاری کردہ ایک بیان میں کہا گیا ہے کہ منگل کے روز غزہ کی پٹی میں کرونا کے مزید تین مریض سامنے آئے ہیں تاہم تینوں حال ہی میں مصر کے راستے واپس غزہ آئے تھے جہاں انہیں احتیاطی تدابیر کے تحت قرنطینہ مراکز منتقل کردیا تھا۔
وزارت صحت کا کہنا ہے کہ غزہ میں کرونا کے تینوں مریض گذشتہ ہفتے مصر سے رفح گذرگاہ کے راستے غزہ داخل ہوئے تھے۔ انہیں سرحد سے ہے گاڑیوں میں قرنطینہ مراکز منتقل کردیا تھا۔
کرونا کا شکار ہونے والے تینوں مریضوں میں ایک ۷۰ سالہ خاتون، ایک چالیس سالہ اور ایک ۱۹ سالہ شخص شامل ہے۔ غزہ میں مزید تین مریضوں کے کرونا کی تصدیق کے بعد علاقے میں کرونا کے موجودہ مریضوں کی تعداد ۷ ہوگئی ہے۔
