اسرائیلی حکام نے منگل کے روز مقبوضہ بیت المقدس کے پرانے شہر کے تمام داخلی دروازے بند کر دئیے۔
مقامی ذرائع نے کہا کہ اسرائیلی حکام نے پرانے شہر کو بند کر دیا اور شہر سے باہر بسنے والے فلسطینیوں کو اسمیں داخل ہونے سے روک دیا۔
اسرائیلی حکام کی جانب سے یہ قدم اس لیے اٹھایا گیا تاکہ رمضان المبارک کی 27 ویں شب کی نماز کے لئے شہر میں مسجد اقصیٰ کے دروازوں پر مسلمان نمازیوں کو جمع ہونے سے روکا جاسکے۔
دریں اثنا ، مقبوضہ بیت المقدس کی اسلامی اوقاف اور مذہبی امورکی کونسل نے منگل کے روز اعلان کیا ہے کہ عید الفطر کے بعد کرونا وائرس وبائی امراض کی وجہ سے دو ماہ کی بندش کے بعد مسجد اقصی کو دوبارہ کھول دیا جائے گا۔
