فلسطینی وزارت خارجہ کی طرف سے جاری ایک بیان میں کہا گیا ہے کہ گذشتہ روز نیکاراگوا میں فلسطینی 72 سالہ فوزی اسحاق محمد اور اس کی اہلیہ کرونا سے جاں بحق ہوگئے۔ بیان میں کہا گیا ہے کہ گذشتہ چوبیس گھنٹوں کے دوران بیرون ملک مزید 47 فلسطینی کرونا کا شکار ہوئے ہیں جبکہ 40 مریض صحت یاب ہوئے۔
مرکزاطلاعات فلسطین کے مطابق وزارت خارجہ کا کہنا ہے کہ بیرون ملک کرونا کی وبا سے جاںبحق فلسطینیوں کی تعداد 84 ہوگئی ہے۔
قبل ازیں امریکا میں ایک 78سالہ فلسطینی خاتون رسمیہ عبدالقادر شلبی ریاست نیوجرسی میں انتقال کرگئی تھی۔
ادھر سعودی عرب میں فلسطینی اتھارٹی کے سفارت خانے کے مطابق سعودیہ میں 62 سالہ محمد حسن تمراز نامی ایک شہری کرونا سے جاںبحق ہوگیا۔
خیال رہے کہ بیرون ملک کرونا کے باعث فوت ہونے والے فلسطینیوںکی تعداد 85 ہوگئی ہے جب کہ 1573 افراد کرونا کا شکار ہوئے ہیں۔ ان میں سے 744 صحت یاب ہوچکے ہیں۔
امریکا میں مزید پانچ فلسطینی کرونا کا شکار ہوئے ہیں۔جس کے بعد امریکا میں کرونا متاثرین کی تعداد 767 ہو گئی ہے۔ امریکا میں کرونا سے 50 امریکی جاں بحق ہوئے ہیں جب کہ 258 صھت یاب ہوئے ہیں۔
