فلسطینی اتھارٹی کے ماتحت سیکیورٹی اداروں کے اہلکاروں کی طرف سے اریحا کی عدالت کے چیف جسٹس اور تین دوسرے ججوں پر تشدد کے واقعے کے بعد عدالت نے مسلسل دو روز سے عدالتی کارروائی کا بائیکاٹ جاری رکھا ہوا ہے۔ دوسری طرف ابھی تک فلسطینی اتھارٹی کی جانب سے اس مجرمانہ واقعے کا نوٹس نہیں لیا گیا۔
مغربی کنارے میں جج ایسوسی ایشن نے جمعرات کےروز جاری ایک بیان میں کہا کہ عباس ملیشیا کے اہلکاروں نے تین خواتین ججوں پرتشدد کیا ان پر اسلحہ تان لیا۔ عباس ملیشیا نے عدالت کے چیف جسٹس کو بھی زدو کوب کیا اور ان کی گاڑیاں ضبط کرلیں۔
اس واقعے کے بعد اریحا کی عدالت نے حکومت سے سخت احتجاج کرتے ہوئے عباس ملیشیا کےاہلکاروں کے خلاف سخت کارروائی کا مطالبہ کیا ہے تاہم صدر عباس کی جانب سے اس پرکوئی رد عمل ظاہر نہیں کیا گیا اور اس واقعے کا نوٹس نہیں لیا گیا۔
