فلسطین کے علاقے غزہ کی پٹی میں حکومت نے باور کرایا ہےکہ انٹرمیڈیٹ کے سوا باقی تمام کلاسوں کے طلباء کے امتحانات کے نتائج اور اسناد کے اجراء کے لیے 19 سے 21 مئی کی تاریخ مقرر کی گئی ہے۔
حکومت کے ڈائریکٹر اطلاعات سلامہ معروف نے ایک پریس کانفرنس میں بتایا کہ غزہ میں مساجد کو مرحلہ وار کھولنے پرغور کیا جا رہا ہے۔ مساجد کھولنے سے قبل اس فیصلے کے شرعی اور طبی پہلوئوں کا جائزہ لیا جائے گا۔ مساجد کھولنے کا انحصار شہریوں کی طرف سے احتیاطی تدابیر اختیار کرنے پر منحصر ہے۔
سلامہ معروف نے بتایا کہ غزہ میں اسکول پانچ اگست سے کھولے جائیں گے۔ پانچ اگست کو اسکولوں کے اسٹاف کو اسکولوں میں حاضر ہونے کی اجازت ہوگی جب کہ 8 اگست کو طلباء کو اسکولوں میں آنے کی اجازت ہوگی۔ اس کے بعد پانچ ستمبر تک طلباء میں نصاب تقسیم کیا جائے گا اور پانچ ستمبر سے باقاعدہ کلاسوں کا آغاز ہوگا۔
ایک سوال کے جواب میں سلامہ معروف نے بتایا کہ شعبہ تعلیم کے متاثرہ افراد کو ریڈ کراس کے تعاون سے 100 سے 1500 ڈالر تک گذراہ الائونسز دیے جائیں گے۔
